السلام عليكم ورحمه الله وبركاته
أحب أن أشير فى بدايه كلامى أن الصفحه دى مش "الصفحه الرسميه لحمزه نمره" عشان ملقيش حد بيكلمنى على أنى "حمزه نمره" .
أما بالنسبه لسبب أنشائى لمدونه تحمل أسم "حمزه نمره" هو أنى ملقتش مكان مجمع كل أعمال "حمزه نمره "فى مكان واحد حتى صفحه حمزه نمره الرسميه مش مجمعه كل حاجه مجمعه بعض الحاجات ,وأنا كواحده من معجبين بفن وصوت حمزه نمره وجدت صعوبه ..يعنى مثلاً عوزه أسمع أغنيه "عصفورين" أدخل على يوتيوب وأعمل سرش ولو عاوزه فيديو لحفله يطلع عينى عشان أعرف أجيبه لو مثلاً عاوزه حفله فى الأزهر بارك أفضل أجرب أكتب مثلا "حمزه نمره فى البارك" ملقيش حاجه أو يطلعلى حفلات بتاريخ قديم وأنا وحظى بئى ..ولو مثلاً عاوزه أشوف لقاءات لحمزه فى التلفزيون ألاقى حته من لقاء على حلقه تانيه من لقاء أخر لخبطيطه يعنى ..
ومن هنا قررت أكون إيجابيه وأقوم بتجميع كل أعمال حمزه نمره من أخبار وفيديوهات وصور وكل شئ عنه لمساعده محبيه أن يجدوا عنه كل شئ بكل سهوله فى مكان واحد وعشان كمان أساعد أن أكون سبب فى نشر الفن الراقى ..لأن لازم كل إنسان مصرى فينا لازم يفتخر بأى أنسان بيحترمنا وبيقدملنا فن يكلم الأنسان اللى جوانا مش بيكلم أى حاجه تانيه ..
وفى نهايه كلامى أرجو أكون عند حسن ظنكم وهحاول على أد ماأقدر أجمع كل شئ يخص حمزه نمره قديم وجديد ...
والمدونه دى شئ بسيط لتعظيم فن حمزه نمره ...
صاحبه المدونه
نيللى على
ليست هناك تعليقات:
إرسال تعليق
نرحب بكل محبى فن حمزه نمرة..